ESGOTADO

Coa aprobación en 2007 do Plano Xeral de Contabilidade e o Plano Xeral de Contabilidade de pequenas empresas, preténdese a reforma e adaptación da lexislación mercantil en materia contábel, para a súa harmonización internacional con base na normativa da Unión Europea. A nova contabilidade ten o obxectivo de facer máis comparábel e homoxénea a información económico-financeira das empresas europeas.

O novo Plano Xeral de Contabilidade estabelece o marco conceptual da contabilidade, as normas de rexistro e valoración, as contas anuais e o cadro de contas correspondente.

Os seus textos completos pódense ler nas páxinas web do Boletín Oficial do Estado ou nos BOE que a continuación se indican:

Plano Xeral de Contabilidade: (Real Decreto 1514/2007, de 16 de novembro, BOE do 20 novembro 2007). Plano Xeral de Contabilidade de pequenas e medianas empresas: (Real Decreto 1515/2007, de 16 de novembro, BOE do 21 de novembro 2007).

Neste anexo centrámonos nos cambios habidos nas Contas Anuais das empresas, en concreto das pemes, por se a parte que garda maior relación co contido da materia de Economía e organización de empresas.