A colección presenta relatos con protagonismo de nenas e nenos de 6 a 8 anos que nos mostran as súas vivencias máis próximas e nos sitúan ante temas como a alimentación, a independencia, o ocio, os ataques a natureza etc.

O pai de Carlos é xinete e corre no Grand National. Súa nai está preocupada porque descubriu que Carlos só ten unha amiga, a televisión, que quere ver a todas horas. Un día, vaise a luz e parece que o mundo se acaba. Non hai televisión! Pero a sorpresa que lle prepararon faralle esquecerse de todo.